Lucknow, K’lyngkot:
Ka Mayawati kaba dei ka heh nongïalam jong ka seng BSP ha kine ki khyndiat sngi ba la dep, ka la ong ba ka seng jong ka kan sa ïakhun marwei ha ka ilekshon Lok Sabha ka ban sa wan, hynrei kam shym la kyntait ban don ka jingïatreilang bad kiwei pat ki seng hadien kane.
Ha ka jingïakren bad ki nongthoh khubor ha ka shlem treikam jong ka seng ha ka jylla, ka la kyntait halor ka khubor hamsaïa ba la pynsngew sha ka halor ka jingbna khubor ba ka la shongthait ha ki kam saiñ pyrthei. Ka la ong ba ka seng jong ka kan ym pynbor ban don kano kano ka jingïatreilang na ka bynta ka ilekshon Lok Sabha, ka ban sa long ha u bnai, Ïaïong bad Jymmang, bad kan sa ïakhun hi marwei. Ka seng kan sa khmih bniah ha kaba ïadei bad ka jingïatreilang bad kiwei pat ki seng hadien kane ka ilekshon, ka la ong. Ka seng Bahujan Samaj Party (BSP) ka la ïakhun ïa ka ilekshon Lok Sabha kaba la dep kaba la long ha u snem 2019 ha ka jingïatreilang bad ka seng Samajwadi Party.
“Ka jingïohmad jong ngi ha kaba ïadei bad ka jingïatreilang bad ki seng kam shym ai jingmyntoi na ka bynta jong ngi bad ngi la shah ktah jur bad kham palat na ka jingïatreilang bad kiwei pat ki seng. Na ka bynta kane, kiba bun na ki seng ha ka ri ki la kwah ban ïatreilang bad ka seng BSP. Ka jingïatreilang bad kiwei pat ki seng kan sa long hadien ka ilekshon ka ban sa wan.”
