UK, K’lyngkot:
Kawei ka nonghikai na United Kingdom (Britain) kaba la pynngop ia uwei u khynnah 15 snem ban iathiah bad ka, ka la shah khang noh ban trei ia kino-kino ki jait kam hapoh jong kine 6 snem mynta. Katei ka nonghikai ka la don 38 snem ka rta, bad la ithuh ia ka kum ka Kandice Barber bad ka la shah rai ban shong patok haduh 6 snem bad 2 bnai kynthih. Ka Barber ka la shah kem naduh u snem 2021 hadien ba la lap ia ka jingiathiah bad utei u khynnah skul uba ka hikai hapoh ka skul Princes Risborough School jong ka Buvkinghamshire.
La ong ba katei ka nonghikai ka ju kren khlemakor bad phah ia ki dur lyngkhuit sha utei u khynnah bad byrngem ruh ba um dei ban iathuh hano-hano lym kumta kan pynsah klas ia u.
