Jammu, K’lyngkot:
Ki shipai ïada khappud jong ka tnat Border Security Force (BSF) ha ka Sngi Ba-ar ki la kem ïa u nong Pakistan na ki bynta jong ka International Border ha ka thaiñ Makwal ha Jammu. Kumba la ïathuh ka tyllong khubor kaba la wan na ki heh shipai, la ong ba ïa une u nongshong shnong ka Pakistan la ïohkem najan ka khappud Makwal.
Ïa une uba la shahkem la tip kyrteng kum u Muhammad Sadiq (20) bad ka jingtohkit ïa u ka dang ïaid shakhmat. “Ha ka por ba la pynlong ïa ka jingwad bniah na u, la lap ïa kawei ka Identity Card kaba pyni ba u dei u nong Pakistan,” la ïathuh ki heh shipai.
