Nongstoiñ, K’Lyngkot 18
Ka West Khasi Hills District Cricket Association ( WKHDCA) ka la plie pyrda ïa ka lympung ïalehkai kriket ba la tip kum ka ‘District Premiere League Cricket tournament 2024’ na ka bynta ka kyrdan 1st Division ha ka sngi Palei.
Ha kane ka sngi plie, ka kynhun ïalehkai jong ka Ladweitang ka la ïoh jingjop da 8 wiket hadien ba ka la lah ban pynliem noh ïa ka Mawionglumsyntiew ha madan Mawrusyiar West Khasi Hills .
Ka Mawïonglumsyntiew kaba la kam trai ban tied nyngkong, ka la kamai 86 run na ki 20 over ha kaba kaba ki la shah pynhap wiket baroh ki nongtied. Haba wan beh ïa ka thong, ka Ladweitang tang ha ki 8.1 over ka la kamai 89 run bad 2 ngut ki wiket.
La ïadon lang ha katei ka sngi plie pynthup ïa u President ka synjuk u Bah G. Syiemlieh, kumjuh ki dkhot ka Synjuk bad kiwei kiwei.
