Tura, K’Lyngkot 18
Sa shisien pat ka East Khasi Hills ka la lah ban khur baroh lai tylli ki takma ksiar ha ka jingïalehkai Taekwondo kaba la long ha ka sngi Palei ha Montfort Centre, Tura.
Ha ka jingïalehkai kaba nyngkong ha ka junior girls’ Kyorugi, under 46 kg, ka Ibapyhnun Kharmyndai na EKH ka la lah ban pynliem noh ïa ka nongïalehkai kaba na South West Garo Hills (SWGH) ka Joynilla Ch Sangma katba ka Nokgrikchi G Momin bad ka Jheanchim B Marak ki la khur ïa ka takma rnong.
Ha ka jingïakhun kaba ar ha ka junior girls’ Kyorugi (under 42 kgs), ka Dayalanki Challan na WKH ka la lah ban pynliem noh ïa ka Sritee Kumari na West Jaiñtia Hills na ka bynta ban khur ïa ka takma ksiar, katba ka Aurialla Wasabi K Marak bad ka Jaksal Arimchi T Sangma ki la khur ia ka takma rnong.
Ha ka jingïalehkai kaba khatduh jong ka junior boy’s Kyorugi (under 45 kgs) la khur jingjop da u Ravi Kumar Rai na EKH. Une u rangïalehkai u la lah ban pynliem noh ïa u Areyo M Sangma na East Garo Hills na ka bynta ban khur ïa ka takma ksiar, katba u Kreangbeth A Sangma (WGH) bad u Samir Chetri ki la khur ïa ka takma rnong.
Haba phai sha ka Wrestling kaba la long ha St. Mary’s HSS, ka East Khasi Hills District ka la khur ia ka nam lahduh hadieh ba ka la lah ban khur haduh 34 tylli ki takma. Kine ki kynthup ia 9 tylli ki takma ksiar, 9 tylli ki takma rupa bad 16 tylli ki takma rnong.
Ïa ka kyrdan ba-ar la khur da ka West Khasi Hills District kaba la khur mar kawei ka takma ksiar bad rupa. Ka Ri Bhoi Disrtrcit ka la wan ha ka kyrdan balai da kaba khur 2 tylli ki takma rnong.
