Nongstoiñ, K’Lyngkot 18
Ka kynhun ïalehkai jong ka Pyndenglanglo FT ka la ïoh ban khur ïa ka nam lahduh ha ka lympung ïalehkai 3rd Knockout Football Tournament 2023-24 ba la pynlong da ka Steplanglur United Sport Association.
Ka nam jop ka la wan hadien ba ka la lah ban pynliem noh da 2-0 kol ïa ka Jyrngam F.T ha ka jingïakhun final ba la long ha ka sngi Palei ha madan Steplanglur, West Khasi Hills.
Ha katei ka sngi u R.G. Momin, MLA ka Rambrai Jyrngam konstitwensi u la long kum u kongsan bad ha kajuh ka por u la ïoh ban pynhap lama noh ïa katei ka lympung ïa kaba la pynlong ha madan shnong Steplanglur ha ka jingdonlang ruh ki riew rangbah bad kiwei kiwei kiba la sam ruh ia ki khusnam.
