Nongstoiñ, K’Lyngkot 19
Ka Vengaboys bad ka Lawse ‘B’ ki la ïoh jingjop ha ka 1st Division District Premiere League Cricket Tournament 2024′ ba la pynlong da ka West Khasi Hills District Cricket Association ( WKHDCA) .
Ka nam jop jong ka Vengaboys ka la wan hadien ba ka la jop da 2 wiket ïa ka Porshangbet ha ka Sngi Thohdieng ha madan Mawrusyiar, West Khasi Hills.
Ha kane ka jingïakhun, Porshangbet ka la kam trai ban tied nyngkong ha kaba ka la kamai 120 run bad shah pynhap 8 wiket ha ki 20 over. Haba wan shimti ïa ka pali kaba ar, ka Vengaboys ka la kynjoh sha ka thong da kaba kamai 121 run na ki 17.5 over bad shah pynhap 8 wiket.
Ha kawei pat ka jingïakhun, ka Lawse ‘B’ pat ka la jop da 10 run ïa ka Ladweitang ‘B’. Ka Lawse ‘B’ ka la kamai 147 run na ki 20 over bad shah pynhap 5 wiket. Haba wan beh ïa ka thong ka Ladweitang ‘B’ ka la kamai tang 137 run bad shah pynhap 8 wiket.
