Beijing, K’lyngkot:
Katkum ba la ioh jingtip, la shem ba ka China ka la ialeh katba lah ban kyntiew ia ka jingbun briew hapoh ka ri hadien ba ka jingkha khun ki briew ka la hiar ha u snem 2023.
Namar katkum ka kaiphod ba la ioh lum da ka China ha ka Sngi Balang, la ong ba ka jingdon briew hapoh ka ri ka la hiar bun shah hapoh jong kine ki 60 snem mynta.
Kumba la ju tip ruh ba ka China ha ki por ba la leit, ka la ioh ia ka nam kum ka ri ba bun briew tam. Hynrei ia katei ka nam la ioh bat noh da ka India kaba la tam ia ka China ha u snem ba la leit bad haduh mynta ka India ka la long ka ri ba bun briew tam ha ka pyrthei.
Tad haduh kaba kut jong u snem 2023, ka jingdon briew hapoh China ka long 1,409.67 Million ngut. Kane ka la pyni ia ka jinghiar kumba 2.08 Million ban ia nujor ia ka kaiphod ba la ioh lum ha kaba kut jong u snem 2022.
