Shillong, K’Lyngkot 21
Ka Apex Council jong ka Meghalaya Cricket Association (MCA) ka la ai khublei ïa u Lakhan Singh Nahar na ka bynta ka jingshakri kaba u la ai sha ka jingïalehkai kriket hapoh ka jylla hadien ba une u nongkawang bol u la pynbna ban shongthait noh haba kut jong kane ka aïom ïalehkai.
U Lakhan u la shim bynta 17 tylli ki jingïalehkai na ka bynta ka Senior Meghalaya Team ha ki lympung ka BCCI, bad ka sien ba nyngkong ba u la mih madan, ka dei ha ka jingïakhun pyrshah ïa ka Mizoram ha u Nailur, 2020, ha kaba u la khur 22 wiket haduh mynta.
Ka MCA ka la ai khublei ïa u Lakhan halor ka jinglah ka jong u ban shakri ïa ka kynhun kriket ka jylla ha ki kyrdan bapher bapher. “Ngi kitbok kitrwiang hadien ba u la shongthait ban shimti pat sa ïa kiwei ki kam, kum u coach, nongai jinghikai, umpire ne kiwei kiwei ki kam,” la ong ka MCA.
