Shillong, K’Lyngkot 21
Ka shlem treikam jong ka District Sports Officer ka East Jaiñtia Hills District, Khliehriat kan pynlong ïa ka National Voters Day Run ha ka 25 tarik mynta u bnai.
Kumta na ka liang ka shlem treikam ka la khot bad wer ïa baroh ki khynnah ki samla kiba na ka thaiñ East Jaiñtia Hills ba kin wan ïa shim bynta ha kane ka jingmareh ka ban sdang ha ka por 6 baje mynstep.
Ka jingsdang ïa kane ka jingmareh kan long na shlem treikam Deputy Commissioner sha Lad Rymbai CHC bad ban pynkut pat ha ka shlem treikam DC kaba rim. Ka jingshim kyrteng ïa ki nongwan ïashim bynta kan long beit ha katei ka tarik ha ka jaka ban sdang naduh ka por 6 baje mynstep bad la pynkhreh ruh ïa ka khusnam pisa sha ki nongjop ha kane ka jingïakop mareh.
