Shillong, K’Lyngkot 21
Da ki spah ngut ki nongshong shnong jong ka East Khasi Hills, ki la mih ban ïashimbynta ha ka jingmareh ba la tip kum ka Meghalaya Day Run kaba la long ha ka step sngi Saitjaiñ ha nongbah Shillong.
Ïa ka Meghalaya Day Run la pynlong da ki bor pynïaid ka East Khasi Hills ha ryngkat ka jingïatreilang bad ka ophis u Superintendent of Police kum shibynta na ka jingrakhe ïa ka Meghalaya Day, 2024.
Ha kane ka jingïamareh la sakhi ïa ka jingïashim bynta da ki spah ngut ki nongshong shnong ba kynthup naduh ki pulit, ki NCC, ki samla ba ïakhun kam shipor bad kiwei kiwei.
Ka Deputy Commissioner ka EKH ka Kong RM Kurbah ka la kaweh ïa ka lama kum ka dak jong ka jingplie ïa ka jingmareh marathon bad ha kajuh ka por ka la ïashim bynta ruh nalor u Superintendent of Police Bah S Nongtnger bad u SP (City) Bah Vivek Syiem lem bad kiwei kiwei.
Ha kane ka sngi, ka Deputy Commissioner kala ïoh ban pyntiañ smai ruh ïa baroh ki nongïashimbynta.
