Guwahati, K’lyngkot:
U nongïalam jong ka All India United Democratic Front (AIUDF) u Badruddin Ajmal u la pynshisha da kaba ong ba ka jingdon jong ki nongïarap jong ka seng Rashtriya Swayamsevak Sangh (RSS) ha Assam bad Delhi ka la khanglad ïa ka Yatra jong u nongïalam ka seng Congress u Rahul Gandhi ha Assam.
Ha ka jingai jingkren jong u ha ka jingïalang kaba la long ha kine ki khyndiat sngi ba la lah ban kren beit beit ïa u Rahul Gandhi, u Ajmal u la ong, “Rahul tip ïa ki briew jong phi. Baroh ki dei ki nongïarap jong ka seng RSS hangne kiba la khanglad ïa ka Yatra jong phi. Katba 2 na ki 4 ngut ki lah ban long kiba bha, kiba bun hangne ki dei ki nongïarap jong ka RSS bad jong ka Vishwa Hindu Parishad (VHP). Ha Assam, ki la don ki nongïarap jong u Himanta Biswa Sarma, bad ha Delhi, ki la don ki nongïarap jong u Narendra Modi bad u Amit Shah.”
