Shillong, K’Lyngkot 21
Ki jingïalehkai jong ka lympung ïalehkai Under-16 Boys Football League 2023-24 ïa kaba la pynïaid da ka Shillong Sports Association (SSA) kin bteng biang lashai ka sngi ka 22 tarik ha madan Polo naduh ka por 9.30 mynstep.
Ha kane ka sngi kin don haduh saw tylli ki jingïalehkai, kata ha ka por 9.30 mynstep, ka jingïakhun ba nyngkong kan long hapdeng ka Umpling Sports Club pyrshah ïa ka Shillong Soccer Scout ha madan 1st Ground SSA Stadium, Polo.
Ka jingïakhun kaba ar kan long ha ka por 11 baje mynstep ha SSA Stadium, ha kaba ka Lumshyiap Sports Club kan ïakhun pyrshah ïa ka Rangdajied United Football Club bad ha ka por 12.30 mynsngi, ka Lah Bet Sports Club pyrshah ïa ka Upper Shillong Colt bad ha ka por 2 baje nohphai sngi, ka Umphyrnai Sports Club pyrshah ïa ka Ïatylli Sports Club.
