Nongstoiñ, K’Lyngkot 21
Ka jingïalehkai quarter-final kaba ar jong ka lympung ïalehkai phutbol ba la tip kum ka Invitation Knock-Out Football Tournament 2023-24 bad pynlong da ka New Nongstoiñ Sports Social & Cultural Club kan long ha ka 22 tarik mynta u bnai ha madan New Nongstoiñ.
Na ka liang jong ka NNSSCC, ka la pyntip ba ha kane ka jingïalehkai quarter-final kaba ar, ka kynhun ïalehkai jong ka Nongbri Brothers kan ïakhun pyrshah ïa ka Blue Bomber’s na nongbah Shillong ha ka por 1.30 mynsngi.
Shuh shuh ka NNSSCC ka khot ka wer ïa baroh ki paidbah riew ieit phutbol jong ka thaiñ bad na kiwei pat ki jaka ba kin wan ban sakhi ïa katei ka jingïalehkai hapdeng ki ar tylli ki kynhun, bad ki la pynpaw ïa ka jingkyrmen ba khlem pep katei ka jingïakhun hapdeng kitei ki ar tylli ki kynhun kan long kaba itynnad.
