Kohima, K’lyngkot:
Ka jingbun briew ha kawei na ki jylla ba shaphang Shatei-Mihngi ha Nagaland la khmih lynti ba kan sa kiew sha ka 23.67 lak ha u snem 2030. Ïa kane la pynshisha hadien ka jingkhmih bniah da ka Nagaland Directorate of Economics and Statistics. Katkum ka jingkhmih bniah na ka jinglum khana samari jong u snem 2011, la shem ba ka jingbun briew ha Nagaland ka la long 19,78,502 ngut.
Ïa kane ka jingbuh jingkheiñ la pyllait da u Advisor na ka bynta ka Information Technology and Communication, Evaluation, and Economics & Statistics – u H Sethrongkyu Sangtam. Ka jingbun briew ha Nagaland kan sa kiew da 3,88,498 na ka 19,78,502 sha ka 23,67,00 ha u 2030, la ong u H Sethrongkyu Sangtam.
Ka jingbun briew ha Nagaland, katkum ka jinglum khana samari ha u snem 2011 ka la long kumne, ha Kohima – 2,67,988, Dimapur – 3,78,811, Phek – 1,63,418, Peren – 95,219, Mokokchung – 1,94,622, Wokha – 1,66,343, Zunheboto – 1,40,757, Tuensang – 1,96,596, Kiphire – 74,004, Longleng – 50,484 bad ha Mon – 2,50,260.
