Dublin, K’lyngkot:
Katkum ki khubor, la ong ba palat 100 tylli ki liengsuiñ paidbah jong ka Kad Liengsuiñ na Dublin ki la shah pynsangeh lut ha ka Sngi U Blei namar ka jingkhie jong ka ‘erïong bad ka jingsniew palat ka suiñ bneng ha katei ka sngi bad kaba la pynlong ruh ia ki bor pyniaid katei ka Kad Liengsuiñ ban sangeh treikam noh ha katei ka sngi baroh shi sngi.
La ong ba katei ka ‘erïong ‘Isha’ ka la pynlong ruh ia 24 tylli ki liengsuiñ kiba la sdang her ba kin phai biang noh bad kumba 27 tylli pat ki dei kiba la pynkynriah noh sha kiwei pat ki Kad Liengsuiñ naka bynta ki jingleit kiba kham kyrpang.
Ka tnat National Meteorological jong ka Ireland ka la ai jingmaham ruh da ka ‘Orange Alert’ naduh ka step jong katei ka Sngi U Blei namar ki jingma kiba ap ia kitei ki bynta jong ka ri na ka jingsniew palat jong ka suiñ bneng ha katei ka sngi. La ong ruh ba katei ka ‘eriong ka lah ban ktah ia ki jingthung-jingtep, ki iing ki sem bad ki jingtei bapher bapher kiba don ha katei ka bynta ba katei ka ‘eriong ka dei ban iaid lyngba.
