Nongstoiñ, K’Lyngkot 22
Ka kynhun ïalehkai jong ka Blue Bomber’s ka la jam sha ka semi final ha ka lympung ïalehkai Invitation Knockout Football Tournament 2023-24 ba la pynlong da ka New Nongstoiñ Sports Social & Cultural Club.
Kane ka jinglah ban pynthikna ka la wan hadien ba ka la lah ban pynliem ïa ka Nongbri Brothers da 3-2 kol ha ka jingïakhun quarter final kaba la long ha ka lah sngi U Blei ha madan New Nongstoiñ.
Ha katei ka sngi ïa ki lai tylli ki kol jong ka Blue Bomber’s la ïoh ban thep da u Ores Lynshiang ha ka minit kaba 82, Basuk Bina ha ka 90+1, bad u Ïeidlang Syiemlieh ha ka minit kaba 34, katba ïa ki ar tylli ki kol jong ka Nongbri Brothers la ïoh ban thep d u Fullmoon Myrchiang ha ka minit kaba 42 bad u Ming Suting (33).
Ïa ka nam Man of the Match la ïoh ban khur da u Ores Lynshiang na ka Blue Bomber’s ïa kaba u samla Robertjune Kharjahrin kum u kongsan u la ïoh ban sam ïa ka khusnam.
