Bengaluru, K’lyngkot:
Ka seng BJP ha Karnataka ka la don bynta ha ka jingdro dur bad ka thoh ha ki kynroh kiba don ha kylleng ka jylla jong ka ilekshon Lok Sabha.
U President jong ka BJP ha kane jylla u BY Vijayendra, uba la shimti ban pynïaid ïa kane ka prokram ha Bengaluru, u la ong ba ki la khmih bniah bha ha kaba ïadei bad kane ha ki san tylli ki jaka bad ha man kawei pa kawei ka jaka thep vote haduh ka 25 tarik, Kyllalyngkot.
Ha ka jingïakren bad ki nongthoh khubor hadien ba la dep ban ïashim bynta ha ka jingdro bad thoh ha ka kynroh kaba la long ha Seshadripuram ha ki khyndiat sngi ba la leit, u Vijayendra u la ong ba u Myntri Rangbah jong ka ri u Narendra Modi u la buh ïa ka kynhun treikam ban pynlong ïa ka India ka ‘Viksit Bharat’ ha u snem 2047, bad ki briew jong ka India ki la ai ka jingkyrshan ïa u.
Shuh shuh u Vijayendra u la ïathuh ba ka jingpyntreikam ha kaba ïadei bad ka jingthmu ka la ïaid shakhmat katkum ka jingbthah jong u National President jong ka seng BJP ha ka ri u JP Nadda.
“Lyngba kane, ngi la don jingthmu na ka bynta ban pynïoh sha ki paidbah ïa ki skhim ba la wanrah da u Myntri Rangbahduh,” u la ong.
