Germany, K’lyngkot:
Ha ka kylla step jong ka Sngi U Blei, ki nongtrei ka tnat Thad-longbneng (Observatory) jong ka Germany ki la ioh shon bad pynsaphriang ia ka dur jong uwei u maw ‘Asteroid’ uba meh ding kum ki ‘eit khlur’ ba la ju khot ha ka ktien Khasi bad uba leit hap sha ka phang Mihngi jong ka Germany.
Katkum ka dur ba la iohi ha ki lad pathai ha katei ka miet, la iohi ia utei u kynja maw uba meh ding kum ki khlur bad uba iaid nalor suiñ bad ka long ruh tang hadien ba ki nongkhmih Thad-longbneng na Hungary ki la pynbna halor ka jingbthei bad jinghap jong ki maw ‘Asteroid’ ha katei ka sngi.
Kumta, la ong ba utei u kynja maw u la paw ha sahit bneng ha ka por kumba 1.30 baje jong ka kylla step Sngi U Blei (ka 21 tarik u Kyllalyngkot 2024) hynrei ym shym la ioh jingtip eiei ia ka jaka ba utei u kynja maw u iatyngkhuh bad ka khyndew ha pyrthei bad shaei u leit hap ruh.
Na ka liang ki stad saïan ruh kim shym la pynshai la ka jinghap jong utei u kynja maw ka don jingma ne em ia ka pyrthei namar kane kam ju kham jia koit.
