Shillong, K’Lyngkot 24
Ka jingïakhun hapdeng ka Nongpdeng CC pyrshah ïa ka Jersey Kings ka la poi sha ka jingïakhaid ha ka lympung ïalehkai 2nd Division Shillong Cricket League ha ka sngi Balang ha madan Urkaliar, Shillong.
Ha kane ka jingïakhun ka Jersey Kings ka la kam trai ban tied nyngkong ha kaba ka la kamai 181 run bad shah pynhap 10 wiket ha ki 19.5 over. U Bicky Raj u la ïoh ban khyrwit ïa ka shiteng spah kaba 60 run na ki 33 bol bad u Raj Biswas u la ïoh 46 run na ki 34 bol. Katba u Donboklang Kharkhongor u la khur 5 wiket bad ia ki 4 wiket la khur da u Wanbor Lamare.
Haba wan beh ïa ka thong, ka Nongpdeng ka la lah ban kamai 181 run bad shah pynhap 10 wiket ha ki 19.4 over. U Maitshaphrang Khongeer u la ïoh ban khyrwit ïa ka shiteng spah kaba 53 run na ki 22 bol bad u Nerrykupar Dkhar u la ïoh 61 run na ki 24 bol. Katba u Gopal Sunar bad u Krishna Magar Thapa ki la khur mar 2 wiket. Ïa ka nam Player of the Match la khur da u Donboklang Kharkhongor.
Haba phai sha kawei pat ka jingïakhun kaba ar, ka Occult ka la pynliem noh ïa ka Slog Warriors da 5 wiket. Ka Slog Warriors kaba la shimti ban tied nyngkong, ka la kamai 113 run bad shah pynhap 10 wiket ha ki 18.4 over. U Rakesh Rai u la tied 33 run na ki 35 bol bad u Prabhakar Thurah u la ïoh 20 run na ki 12 bol. Katba u Augsten Marak u la khur 5 wiket bad ïa ki 3 wiket la khur da u Rohit Lumbo.
Haba wan shimti ïa ka pali kaba ar, ka Occult ka la lah ban kynjoh sha ka thong da kaba kamai 117 run bad shah pynhap 5 wiket. U Pynbhalang Kharsati u la tied 30 run na ki 35 bol bad u Saqib Khan u la ïoh 23 run na ki 17 bol. Katba u Rohan Yadav bad u Sonu Prasad ki la khur mar 1 wiket. Ïa ka nam Player of the Match la khur da u Agusten Marak.
