Shillong, K’Lyngkot 25
Shi bynta ban rakhe ïa ka National Voters Day, ka shlem treikam u Chief Electoral Officer jong ka Sorkar Jylla ha ryngkat ka jingïatrei lang bad ka shlem u District Sports Officer, East Khasi Hills District, ha ka sngi Palei ka la pynlong ïa ka jingïakob mareh ba la tip kum ka “National Voters’ Day 10K & 1K Run” ha kane ka nongbah.
Ha kane jingïakob mareh la wan ïashim bynta kumba 300 ngut ki khynnah samla shynrang & kynthei bad khamtam eh kawei na ki nongmareh ba paw bad ba la rangbah ha ka rta, i Kong Kmoiñ Wahlang na West Khasi Hills District iba la wan ha ka kyrdan ba hynriew ha ka jingïakob mareh kaba 10K Open Category (Above 50 yrs Female) da kaba pyndep ha ki 1:02:34.00 sekhon.
Hashwa ban sdang ïa kane ka jingïakob la kaweh lama da u Dr. B.D.R Tiwari, (IAS) Chief Electoral Officer bad ïa ka 1K wheel chair race la kaweh lama da ka Deputy Commissioner, East Khasi Hills District Kong R.M Kurbah (I.A.S).
Ha ka 10K Meghalayan (Above 18 yrs) la rah da ka Balasiewdor Pathaw kaba la lah ban pyndep ha ki 44:49.00 sekhon, ba-ar ka Happiness Phawa (48:11.00) bad ïa ka kyrdan balai da ka Bandasharai Marweiñ (48:53.00). Ha ka liang ki shynrang la rah da u Daniel Lyngdoh Wahlang uba la lah ban pyndep ha ki 34:46.00 sekhon, ba-ar u Dabit Dkhar (35:59.00) bad balai u Teiboklang Biam (36:01.00).
Ha ka 10K Open Category na ka bynta ki pulit kynthei la rah da ka Mariwikiru Shylla kaba la lah ban pyndep ha ki 52:07.00 sekhon, ïa ka kyrdan ba-ar la ïoh da ka Nangkiew Suki Slong (53:08.00) bad balai ka Dakahi Kyndait (55:30.00). Ha ka liang ki shynrang la rah da u K. Bikram Meitei uba la lah ban pyndep ha ki 37:04.00 sekhon, ba-ar u Okitlang Syiemlieh (38:55.00) bad balai u Leverson Kharmuti (39:35.00).
Ha ka 10K Open Category (Above 50) la rah da ka Kong Juliana Wanñiang hadien ba ka la lah ban pyndep ha ki 56:12.00 sekhon, ba-ar ka Kong Smarles Marweiñ (56:54.00) bad balai ka Kong Rolinda Wanñiang (58:20.00). Ha ka liang ki shynrang la rah da u Bah Badon Singh Tham uba la lah ban pyndep ha ki 43:35.00 sekhon, ba-ar u Bah Swonding Mawlong (44:37.00) bad balai u Bah Lawrence Parïong (45:09.00).
Ha ka 1K Open Category (Wheel Chair Female) la rah da ka Prisca Pyngrope kaba la lah ban pyndep ha ki 12:14.00, ba-ar ka Rinalin Nongdhar (13:34.00) bad balai ka Celine Lawai (16:55.00).
Kitei baroh ki nongjop ki la ïohpdiang da ki khusnam pisa ba la sam da u Lat ka Jylla u Phagu Chauhan uba la long u kongsan ha ka jingïadon lang u Chief Secretary ka Jylla u Bah D.P Wahlang (IAS) bad kiwei ki heh ophisar ha kaba la pynlong ha U So So Tham Auditorium, Shillong.
