Shillong, K’Lyngkot 25
Ka kynhun ïalehkai phutbol ka Jylla ka la nangjan ban jam sha ka semi final ha ka Khelo India Youth Games 2024, hadien ba ka la lah ban khur ïa ka jingjop kaba ar da 2-1 kol ïa ka Punjab ha ka sngi Palei ha madan Madras University kaba ha Chennai.
Kane ka la wan urlong lyngba u Badondor Marbaniang bad u Mebannangkiew Thabah.
Ha ka jingïalehkai kaba nyngkong ka Meghalaya kaba don ha ka Group-A, ka la lah ban pynliem ïa ka Uttar Pradesh da 4-1 kol.
Kumta kane ka kynhun hapoh ka jingïalam u Jeffrey Warlarpih (coach) kan pynkhreh ïa kawei pat ka jingïakhun kaba khatduh pyrshah ïa ka Tamil Nadu ha ka 27 tarik na ka bynta ban pynthikna ban ïoh rung sha ka semi final.
