Kohima, K’lyngkot:
U nongpynïaid jong ka seng Bharatiya Janata Party (BJP) ha Kohima lem bad u nongïarap ki la sdang ïa ka prokram leit jngoh ha ka jaka treikam jong ka seng ha ka distrik ophis jong ka Kohima ha Nagaland naduh ka lah sngi U Blei.
Ha ka jingai jingkren sha ki nongbud jong ka seng, u Legislator Incharge of Kohima District and Minister, Tourism and Higher Education Nagaland, u Temjen Imna Along, u la batai shai halor ki jingdonkam ba ïadei bad ka jingmut jong ka phang ba la buh halor ka ‘Sab Ka Saath, Sab Ka Vikas, Sab Ka Vishwas, and Sab Ka Prayas’na ka bynta baroh ki nongbud jong ka seng BJP.
Ka State Vice President bad ka Incharge of Kohima District, MP (RS), ka Phangnon Konyak, ka la khot ïa ki nongbud jong ka seng ba kin pynleit jingmut bha ha kaba ïadei bad ki jingpyntreikam ban pynkhlaiñ ïa ka seng ha ki jaka thep vote.
Shuh shuh ka la kyntu jur ïa ki nongbud jong ka seng ba ki dei ban sngewthuh bha ïa ki jingeh jong ki nongshong shnong bad ban pynlong ïa ki prokram bapher bapher bad ka jingpyntreikam ïa ki skhim ba la wanrah da u Myntri Rangbahduh u Narendra Modi.
