Mumbai, K’lyngkot:
U Myntri Rangbah jong ka Maharashtra u Eknath Shinde, ki arngut ki Symbud Myntri Rangbah jong u kiba kynthup ïa u Devendra Fadnavis bad u Ajit Pawar bad ka kynhun Myntri baroh kawei ha ka jylla kin sa leit jngoh ïa ka Ram Temple ha Ayodhya ha ka taïew banyng-kong jong u bnai Rymphang, la ong u nongïalam jong ka seng Bharatiya Janata Party (BJP) ha ka sngi Balang.
“Wat lada ym pat pyntikna ïa ka tarik, la thmu ba ka lah ban long ha ka 5 tarik, Rymphang. Baroh 29 ngut ki myntri, kynthup u Myntri Rangbah u Eknath Shinde bad ki Symbud Myntri Rangbah, u Devendra Fadnavis bad u Ajit Pawar, kin sa leit jngoh ïa ka jaka mane blei na ka bynta ka jinglehniam,” la ong u nongïalam jong ka seng BJP.
U Shinde u la shah wer ban don bynta ha ka Pran Pratishtha (ka jingkyrkhu) ha Ram Mandir kaba don ha Ayodhya on January 22. Ha kaba ïadei bad kane, u la rai ban leit jngoh ïa ka jaka mane blei ha ryngkat ka kynhun Cabinet baroh kawei bad ki Symbud Myntri Rangbah.
