Chandigarh, K’lyngkot:
Kum shi bynta ban jubab halor ka rai jong u Myntri Rangbah jong ka Punjab u Bhagwant Mann jong ka Aam Aadmi Party ba ym dei ban pynïasoh ha ka kynhun synrop bad ka seng Congress ha ka jylla na ka bynta ka jingïakhun ïa ka ilekshon Lok Sabha, u General Secretary jong ka Punjab Pradesh Congress Committee (PPCC) u Capt Sandeep Sandhu u la ong ba ka seng Congress ha ki saw bnai ba la lah ka la dep ba pynkhreh lypa ha kaba ïadei bad ka jingïakhun ïa ka ilekshon ha baroh ki konstitwensi tang marwei ha Punjab.
“U President jong ka PPCC bad u nongïalam ka liang pyrshah da bun bun sien u la pynshai da kaba ong ba ki nongbud jong ka seng ki la long pyrshah ïa ka kynhun synrop. Ïa kane kajuh la ïakren ruh da ka kynhun jong ki heh nongïalam, bad ki la ïoh jingtip halor kane,” la ong u Sandhu. U la ong ba ka seng Congress ha Punjab naduh basdang ka la long pyrshah halor kane.
“Ha ka jaka ban buh jingthoh ha kano kano ka kynhun synrop, u Myntri Rangbah mynta u la dei ban pynshai ba balei ki nongïalam jong ka Raghav Chadha bad kiwei pat ki nongïalam jong ka seng AAP ki la ïai bteng ha ka ban pynlong ïa ki jingïalang bad ki heh nongïalam jong ka seng Congress? Bad kane ka dei ba ki la buh jingkylli?” la buh jingkylli u Sandhu.
