New Delhi, K’lyngkot:
U Myntri Rangbah jong ka Delhi u Arvind Kejriwal u la kynnoh pyrshah ïa ka seng Bharatiya Janata Party (BJP) ba ka la pyrshang ban thied ïa 7 ngut ki MLA jong ka seng Aam Aadmi Party (AAP) da kaba tyrwa mar T. 25 klur halor ka jingthmu ban pyntlot ïa ka sorkar jong u ha ka nongbah Delhi.
U Kejriwal u la pynshisha da kaba ong ba ka seng BJP ka la ïakren bad ki MLA jong ka seng AAP bad byrngem ruh ban kem ïa u Myntri Rangbah ha kaba ïadei bad ka jingkynnoh donkti ha ka jingpyndkoh treikam halor ka kyiad ha Delhi. Kane ka jingthmu ka long ban knieh jubor ïa ka jingsynshar na ka sorkar AAP ha Delhi. “Wat lada la pynshisha ba ka seng BJP ka la khot ïa ki 21 ngut ki MLA jong ka seng AAP, la ïoh jingtip ba ki la don tang 7 ngut kiba la leit ïakynduh ïa ki briew katei ka seng bad la ïoh jingtip ba kine ki la kyntait pyrshah halor ka jingtyrwa pisa.”
