Mumbai, K’lyngkot:
Ki la don kumba 218 tylli ki skul English Medium jong ki riewshimet ha ka nongbah Mumbai kiba la hap hapoh ka jingkhmih jong ka Brihanmumbai Municipal Corporation (BMC), ha kaba ki la pyntreikam khlem ka Right to Education (RTE) ba la buh ban pyntreikam na ka bynta san snem kin sa ngat ha ki jingshah pynshitom.
Wat lada ki la shah pynkynmaw da bun bun sien, kine ki skul BMC kim shym patiaw na ka bynta ban pynbiang ha ka ban mynjur ban pyntreikam katkum ka RTE, ha kaba kane ka la pynlong ïa u Sharad Gosavi, uba long u Director jong ka Primary School Education, ba un hap leit jurip bniah ïa kine ki skul bad phah ïa ka kaiphot sha ka Child Rights Commission and the Director’s Office.
Shuh shuh la ïathuh ba u Sandeep Sangave, uba long u Deputy Director of Education, Mumbai Division, u la shah bthah ba u la dei ban pyntreikam shakhmat na ka bynta ban kyntait noh na ka jingithuh ïa kine ki skul.
Ha u bnai Lber jong u snem 2023, u Nitin Dalvi jong ka Maharashtra State Student Parents Teacher Federation u la buh da ka jingujor bad ka Education Department, ha kaba u la pynpaw ba kine ki 218 tylli ki skul hapoh ka jingkhmih jong ka BMC Education Department ki la pyntreikam khlem ka jingpdiang ïa ka RTE.
U Gosavi u la hukum ïa u Deputy Director jong ka Mumbai ba un pynshitom da kaba tyngeh ïa ki nongpynïaid jong kine ki skul. Ka la don ka shithi maham ba la phah sha u Sangave naba ym shym la ïohpdiang ïa ka jubab na kine ki skul, bad mynta la donkam ïa u ba un leit jurip bniah ïa ki skul kiba khlem pyntreikam katkum ka RTE bad ban phah ïa ka kaiphot sha ka Child Rights Commission and the Director’s Office.
