Lada ngi ngeit ïa ka jinghikai ka Baibl. Namar katkum ka jingthoh ha ka Baibl U Blei u la thaw nyng-kong eh ïa u shynrang bad hadien ïa ka kynthei. Kumta kane ka rukom kheiñ jait na ka Kmie ne kynthei ka longdoh longsnam tang ha ngi ki Khasi – Pnar. Haba peit kane ka jingshim jait na ka kynthei ne kmie ka long tang kumno ban kiar na ka shong sang shikur shijait. Namar ki ai daw ba ka long sang. Hynrei ha ka jingshisha ka shongsang ka don beit lada phi shim jait kpa ne jait kmie ruh. Namar na ujuh u symbai ym lah ban ïa shong kha tang ba iapher ka jait namar ka long sang.
Ka long pop kaba khraw ha kano kano ka jaitbynriew. Dei ban shim jait na uba ai symbai ban tip shai ïa ka jingïadei ba jan hapoh ka kur. Namar u symbai ban tip shai ïa ka jingïadei ba jan hapoh ka kur. Namar u symbai jong u shynrang ba u bet u pynioh bad pynroi ïa ka jingïadei ka longdoh longsnam kaba jan tam ha ka kur ka jait. Ka jait kan leh aiu long kum ka sopti poh kaba lah ban loit noh na kano kano ka por. Hynrei u symbai ym lah ban pynduh da lei lei ruh. U symbai kew um lah ban kylla symbai riewmadan lano lano ruh. Katba ïa ka jait lah ban ai da kano kano ka jait ruh ban shim. Haba ngi dei na ujuh ka jaitbynriew Khasi, te kam long sang ban ia shong kha para Khasi.
Hynrei em, kam dei ka sang namar para Khasi makna ngi mih na ki symbai bapher bapher ban da dei na ujuh u symbai te ka long sang keiñ ban ia shongkha shongman para jait. Hynrei haba ïapher ïapher u symbai ne kpa kam don kata ka sang ka ma naba ngi ïa shongkha para kur Khasi khara ruh. Haba la ïa jngai ka jingïadei ha ka longdoh longsnam. Te shu bun ki khun na ujuh u kpa na bun ngut ki tnga hynrei ki ïapher ha ka jait ka kynja. Lada ïapher makna ha ka jait ka kur ym ju bit ban ïa shongkha namar ka long pop bah pap san namar ki mih na ujuh u kpa ne symbai.Ne phin ong ka bit haba ïapher ka jait ka kur. Ha ka Baibl te u shynrang u pynroi ïa u symbai hiar pateng la pateng ym na ka kynthei kumba long ma ngi ki Khasi – Pnar. Namar ki shim jait na u symbai kata na ka liang u shynrang ban tip shai ia ka jingïadei ha ka longkur longjait ha ka jaitbynriew. Nga thoh ïa kane tang ba ngi dei ban da wad ïa ka jingshisha watla ki ïa shongkha para jait makna namar bym don jingïadei ei ei na ka liang u symbai. Kumta ka bit namar kam don ka sang ka ma. Haba ïapher ki kpa ne ki symbai ngi la ïa jngai noh keiñ. Ka shu long tang kajuh ka jait ka kur jong ka kmie ne kynthei. Hynrei ki long kita ki kur ja kur doh kiba la jngai ka jingïadei. Namar shi para trai ka dei tang na ujuh u kpa wat la ïapher ki kmie ruh ki long shi para trai. Ka dei tang na ujuh u kpa wat la ïapher ki kmie ruh ki long shipara trai. Kane ka kheiñ kur kheiñjait ha ngi ki Khasi dei ban da wad bniah khnang ban lait na ka ïa shong sang ioh dei na ujuh u symbai.
C. B. Iawphniaw
