Guwahati, K’lyngkot:
U nongïalam jong ka kam saiñ pyrthei ha Bajali u Phani Pathak u la leit phai biang sha ka seng BJP ha ka Sngi U Blei.
Hashwa kane, u Pathak, uba la long u nongaiktien jong ka seng BJP hashwa u la iehnoh kam na ka jinglong dkhot hapoh ka seng ha u snem 2021, ha kaba u la leit ban pynïasoh bad ka seng AJP.
Kumba la ïathuh ka tyllong khubor, la ong ba u Pathak u la long u nongïalam jong ka AASU bad hadien u la leit ban pynïasoh noh bad ka seng BJP ha u snem 2011, bad naduh kane ka por u la trei bad ka seng hapoh ka Patacharkuchi konstitwensi.
U la iehnohkam hadien ba ka seng BJP ka la pynïakhun ïa u President jong ka seng ha Assam u Ranjeet Kumar Dass ba un ïakhun ilekshon na Patacharkuchi Assembly konstitwensi.
