Paw ba u drok u long ka jingap jingma ha ka jylla Tripura, ong u Myntri Rangbah

Agartala, K’lyngkot:

U Myntri Rangbah jong ka Tripura u Dr Manik Saha u la ong ba ki jinglong jingman ha kaba ïadei bad ka synshar-khadar ha ka jylla ka la sdang ban bha, ka jylla mynta ka la ïakhun tyngeh ha kaba ïadei bad ki kam sniew kiba la mih lyngba u drok.

Naba ki pulit jong ka Tripura ki la rakhe ïa ka lyngkhuh snem kaba 150 snem, u Myntri Rangbah u la kyntu ïa ka kynhun jong ki pulit ba ki la dei ban nang pynbha shuh shuh ha kaba ïadei bad ka imlang- ka sahlang ha ka jylla.

U Dr Saha u la ong, “Ka jingïoh nong kaba kongsan jong ki pulit jong ngi ka long ba ki la ïaid ar snem ha ka ban ïakhun pyrshah ïa u drok. Naba ka la long ka jylla kaba wan ha ka kyrdan kaba san na ka jingbym bit bym biang ha ka imlang ka sahlang, ngi mynta ngi la wan ha ka kyrdan kaba lai ha ka ri na ka jingduna ki jingïakynad bad ki kynrum-kynram ha ka imlang-sahlang. Kane ka dei ka jingïohnong kaba khraw”.

U Saha u la ong ba la ka long ha ka kam pynïap briew ne kiwei pat ki kam sniew kiba long pyrshah ïa ki kynthei, ka jingdon jong kum kine ki la kham duna shibun.

Ha kaba ïadei bad kane, u la ïakhun tyngeh ha kaba ïadei bad ka jingsdang ban kiew sted ki kam pyntriem kiba ap jingma.

“Sa kawei ka jingeh ba ki pulit ki ïakynduh ïa mynta, ka long halor u drok”, la ong shuh shuh u Saha.