Agartala, K’lyngkot:
Kum shi bynta ban pynurlong kumba la thmu, u Myntri Rangbah jong ka Tripura u Dr. Manik Saha, ha ryngkat ka kynhun Myntri jong u, ki la ai ïa ka rai bakhatduh ha kaba ïadei bad ka jingthmu ban leit jngoh ïa ka Ram Mandir ha Ayodhya ha ka 5 tarik, Rymphang. Ïa kane ka rai la ai ha ka por ba don ka jingïalang ba la pynïaid hi da u Dr. Saha, ha kaba la shim ïa ka sienjam na ka bynta ban ïakren halor kane ka bynta bad ki kynhun niam.
Kane ka kynhun, kan sa mih na ka bynta ban leit sha Ayodhya ha ka 4 tarik, Ryphang bad ka jingleit jngoh kaba kyrpang kan sa long ha une u bnai. Kane ka jingpynbna ka la long hadien ba u Myntri Rangbahduh u Narendra Modi uba la pynïaid ïa ka ‘Pran Pratishtha’ ka prokram ba la pynlong ha ka por ba la plie paidbah ïa ka Ram Mandir ha Ayodhya ha ka 22 tarik, Kyllalyngkot. U Myntri Rangbah u la ïai ban da kaba ong ba kynhun jong ki briew ha kane ka thaiñ kin sa ïoh ban imsuk-imsaiñ nangne shakhmat.
