Chandigarh, K’lyngkot:
Ha ka jingai jingkren lyngba ka dur-khih hadien ka jingplie paidbah ïa 60 tylli ki Amrit Sarovars ha kylleng ka jylla na ka shnong Dult jong ka Tohana Assembly konstitwensi ha Fatehabad distrik, u Myntri Rangbah jong ka Haryana u Manohar Lal Khattar u la ong ba u Myntri Rangbahduh u Narendra Modi u la sdang ïa ka Amrit Sarovar Mission ha u snem 2022 na ka bynta ban pynkhieim biang ïa ki pung um ha ka ri.
Ha kaba ïadei bad kane ka bynta, u la kyrpad ïa ki briew ba kin pyndonkam bha ïa ka um bad ba kin ym pynlehnohei ïa ka, la ong u Myntri Rangbah.
Ha kaba ïadei bad kane, u Khattar u la ong ba kin sa don shuh sa kumba 200 tylli ki ‘Amrit Sarovars’ bad 1,000 tylli ki pung um ba kin lah ban pynmih biang ïa ki um pohliew ha kaba ïa kine yn sa shna ha kylleng ki jaka bad ki shnong ha ki bnai ban wan.
Hapoh kane ka jingpyntreikam, ka jingbuh thong ka long ban pynkhie im biang ïa ki pung um haman kawei pa kawei ka distrik, bad ka Haryana haduh mynta ka la shna ïa kumba 2,078 tylli ki Amrit Sarovars.
Na kine, 60 tylli ki ‘sarovars’ la dep ban plie paidbah ha ka sngi Balang jong ka taïew ba la lah, ha kaba ïadei bad kane, la ong ba ki la don kumba 31 tylli ha Fatehabad distrik, la ong u nongaiktien.
U Myntri Rangbah u la ong ba ïa kine ki pung um ha ka jylla, ki heh ba dei khmih ïa kine ki pung bad kiba dei khmih halor ka jingkunai ïa ka um ki la don ban khmih bniah halor ki jingpyntreikam.
Ki heh ba dei khmih ki la shah hukum ba ki la dei ban khmih bniah ïa ki pung um kiba don ha ka jylla.
Katkum ka jingkhmih bniah, la ong ba ki la don baroh kumba 19,649 tylli ki pung ïa kiba la shah ithuh hapoh ka jylla, ha kaba la antad ba 18,000 tylli ki pung ki dei kiba don ha ki thaiñ nongkyndong, kumba 11,000 tylli ki dei kiba la jaboh, bad ka jingtrei shitom mynta ka long ban pynkhie im biang ïa ki.
