Shillong, K’Lyngkot 30
Ka lympung ïalehkai 3rd Division Shillong Cricket League ba la pynïaid da ka Shillong Cricket Association (SSA) ka la nangjam shaphrang ha kaba ka Sanmer CC bad ka Metallica CC ki la khur ïa ka jingjop ha ka sngi Ba-ar.
Ha kane ka jingïakhun kaba la long ha madan Urkaliar, Shillong, ka Sanmer ka la pynliem noh ïa ka Super Challenger da 63 run. Ka Super Challenger kaba la jop ïa kynting pisa, ka la ailad shwa ïa ka Sanmer ba kan tied nyngkong ha kaba ka la kamai 174 run bad shah pynkhyllem 7 wiket ha ki 20 over. U Eugene Shanpru u la tied 42 run na ki 29 bol bad u John Dkhar u la ïoh 39 run na k 24 bol. Katba u Dilbar u la khur 3 wiket bad ïa ki 2 wiket la khur da u Rahul Sharma.
Haba wan ban beh ïa ka thong, ka Super Challenger ka la kamai tang 111 run bad shah pynhap 10 wiket ha ki 13.5 over. U Pratap Chanda u la tied 33 run na ki 24 bol bad u Kyrmen Skhem Nongrum u la ïoh 29 run na ki 14 bol. Katba u Hubert Shanpru u la khur 4 wiket bad ïa ki 3 wiket la khur da u Bor Marbaniang, uba la khur ïa ka nam Player of the Match.
Haba phai sha kawei pat ka jingïakhun kaba ar, ka Metallica Rising Star ka la jop da 24 run pyrshah ïa ka Soliditary. Ka Metallica kaba la shimti ban tied nyngkong ka la kamai 159 run bad shah pynhap 7 wiket ha ki 20 over. U Nabindu Das u la tied 45 run na ki 25 bol bad u Prasanjit Sarkar u la ïoh 27 run na ki 14 bol. Katba u Raja Chettri u la khur 4 wiket bad ïa ka shi wiket la khur da u Raju Chettri.
Haba wan beh ïa ka thong, Soliditary ka la kamai tang 135 run hadien ba ka la shah pynkhyllem 9 wiket ha ki 20 over. U Sammer Choudhary u la tied 32 run na ki 26 bol bad u Raja Chettri u la ïoh 22 run na ki 22 bol. Katba u Vishal Das u la khur 3 wiket bad ïa ki 2 wiket la kh ur da u Gurjit Singh. Ïa ka nam Man of the Match la khur da u Namindu Das.
