Guwahati, K’lyngkot:
Kum shi bynta ban pynpaw ïa ka jingnang khlaiñ ka rukom jingtreikam jong ka Asom Gana Parishad (AGP), kane ka seng ka la pdiang burom ïa palat 200 ngut ki nongkitkam na ki seng saiñ pyrthei bapher bapher ha Assam ha ka Lah Sngi U Blei.
Ka prokram jong ka jingpynïasoh jong ki sha ka seng ïa kine ki dkhot kiba thymmai ka la long ha ka jaka treikam jong ka seng AGP ha Guwahati, ha kaba la sakhi ba ki la don bun ngut ki riewpawkhmat jong kiwei pat ki seng kiba la wan pynïasoh hapoh ka seng AGP ha kaba kine ki kynthup ïa u General Secretary barim jong ka Assam Congress u Apurba Kumar Bhattacharjee, u Central Secretary jong ka Asom Jatiya Parishad u Paban Saikia, Mihir Pal na ka seng Trinamool Congress, bad u Ajit Gogoi, uba long u President jong ka of Golghat District Committee jong ka seng AJP.
U President jong ka AGP u Atul Bora, u Working President jong ka AGP u Keshab Mahanta, Central Committee Vice-President, General Secretary, bad kiwei pat ki nongkitkam jong ka seng ki la pynphuh pynphieng ïa kane ka prokram ha kane ka sngi ha kaba ki la pdiang burom ïa kine ki dkhot kiba thymmai bad ki la ai mynsiem ïa ki ba kin pynkhlaiñ ka jingïadei bad ban wanrah ka jingïatylli na ka bynta ka jingtreikam khnang ban lah ban pynkhlaiñ shuh shuh ïa ka seng ha Assam.
