New Delhi, K’lyngkot:
Ka kynhun Enforcement Directorate hynnin ka sngi ka la pynlong ïa ka jingleit khynra sha kiba bun ki jaka kiba don ha Jammu & Kashmir, Punjab bad Uttar Pradesh ha kaba ïadei bad ka jingleh thok ïa ka pisa kaba T. 200 klur ka ram na ka Bank ka jingjia kaba don jingïadei bad ka Bharat Papers Ltd. (BPL), la ïathuh ki heh ka kynhun tohkit.
Ki la don kumba 9 tylli ki jaka ha kine ki thaiñ kiba la shah khynra ha ka kynhun tohkit hapoh ka jingtreikam jong ka Prevention of Money Laundering Act (PMLA).
Kynthup lang ha u bnai Nailur jong u snem 2006, ka BPL ka la ïatreilang bad ka Bharat Box Factory Industries Limited (BBFIL), ka Paper Board Packaging Industry kaba don ha Jammu bad Ludhiana.
Kumba la kynnoh ha basdang pyrshah ïa ka kompeni la ong ba ki Director jong ka ki la lehthok ïa ka ram na ka Bank da T. 200 klur bad ki kynhun jong ki Bank kiba hap hapoh ka jingpynïaid jong ka State Bank of India. Kiwei pat ki Bank ki kynthup ka J&K Bank, PNB bad ka Karur Vysya Bank.
