Shillong, K’lyngkot 31
Ka Malki SC ka la ïoh jingjop ha ka lympung ïalehkai SSA 1st Division Football League 2023-24, hadien ba ka la lah ban pynliem noh Umphyrnai SC da 3-1 kol ha ka sngi Balang ha SSA Stadium, Polo.
Kane ka nam jop ka la wan urlong lyngba ka hat-trick na u Maxcimilando Tariang, uba la ïoh ban thep lai kol ha ka minit kaba 69, 73 & 81. Katba na ka liang ka Umphyrnai ka la ïoh ban pynkhihjar nyngkong ha ka minit kaba 8 lyngba u Isharwell Mukhim.
Kane ka lympung kan bteng biang ha ka sngi Palei ha kaba ka Mylliem SC kan ïakhun pyrshah ïa ka Law-sohtun SC ha ka por 2:45 janmiet.
