Mawkyrwat, Rymphang 02
Ka Mawten Sports Club ka la pynkut noh ïa ka lympung ïalehkai kriket ba la tip kum ka Mawten IV T20 Cricket Tournament 2023-24 ha ka sngi Thohdieng ha kaba ka Royal Challengers Mawsynram ka la rah ïa ka nam lahduh.
Kane ka nam jop ka la wan hadien ba ka la lah ban pynliem noh ïa ka Nongpoh Town Club da 5 wiket ha ka jingïakhun final kaba la long ha madan Mawpyllun kaba ha Mawten, Mawkyrwat.
Ha kane ka jingïa-khun, ka Nongpoh Town Club ka la kam trai ban tied nyngkong ha kaba ka la kamai 113 run ha ki 16.5 over bad shah pynhap 10 tylli wiket. U nongtied uba la ïoh bun run u dei u Pushkar Raj uba la tied 27 run, katba na ki nong-kawang bol ka Royal challenger u Andelbert Shang-pliang bad u Robin Chettri ki la khur mar 3 wiket.
Ha ka kynti ban beh ïa ka thong, ka Royal Challengers Mawsynram ka la lah ban kynjoh sha ka thong da kaba kamai 115 run ha ki 17.1 over bad shah pynhap 5 wiket. U nongtied ba la kamai bun u dei u Rudy Shangpliang uba la ïoh ïa ka shiteng spah da kaba ïoh 52 run, katba u Siraj Ali jong ka Nongpoh Town club u la khur 3 wiket.
Lyngba kane ka nam jop ka Royal Challengers ka la ïohpdiang ïa ka song pisa kaba T.40,000 ryngkat ka trophy, katba ka Nongpoh Town Club ka la ïoh T.20,000 lem bad ki trophy. Ïa ka nam Man of the Tournament la ïoh da u Bharat Gurung jong ka NTC, ka Man of the Match final ka leit sha u Rudy Shangpliang jong ka RCM, ka khusnam Hig-hest Run Scorer ka leit sha u Rohit Rai jong ka Donkin SCC bad ka khusnam Highest Wicket Taker ka leit sha u Robin Chettri jong ka RCM.
Ïa ki khusnam la sam da u Bah Gideon khar-kongor, Secretary ka Me-ghalaya Cricket Associa-tion kum u kongsan ha ka jingsynranlang u Dhru-bajyoti Takuria, Treasurer ka MCA, ryngkat ka jingdonlang ki dkhot jong ka South West Khasi Hills District Cricket Association, ki nongtrei ka tnat ïalehkai na Mawkyrwat, ki riew rangbah jong ka shnong bad ka dong ka thaiñ Mawkyrwat bad ki nong-ïalam jong ka Mawten Sports Club.
