Nongstoiñ, Rymphang 02
Ka Mawshynrut Sports Association ka la plie pyrda ïa ka lympung ïalehkai phutbol kaba la tip kum ka MSA Super Division ha ka sngi Thohdieng.
Ïa kane ka lympung la plie da u Myntri Rangbah ka Jylla u Conrad K. Sangma ha kaba la ïadon lang ruh u Myntri ka tnat ïalehkai u Bah Shakliar Warjri, u MLA ka thaiñ u Bah Methodious Dkhar, u R.G. Momin, MLA ka Rambrai bad kiwei kiwei.
Haba phai sha kane ka sngi sdang, ka kynhun ïalehkai jong ka Riangdo Youth Sport Social & Cultural Association (RYSSCA) ka la khur ïa ka jingjop hadien ba ka la lah ban pynliem noh da 1-0 kol ïa ka kynhun ïalehkai jong ka Nongdaju SSSS&CA.
Ha kane ka lympung ïalehkai Super Division, ki don phra tylli ki kynhun bad ka dangdei ruh ka sien kaba nyngkong ba nalor ka ka 1st Division la ïoh ruh ban pynmih ia ka kyrdan Super Division.
