Guwahati, Rymphang:
Ka sorkar Assam ka la shim ïa ka sienjam na ka bynta ban pynbiang jingbam da kaba rai ban pynbiang ei da ki Ration Card sa 42 lak ngut ki nongïoh myntoi hapoh ka jingtreikam ka National Food Security Act (NFSA).
Kane ka jingnang pynïar ha ka ban treikam na ka bynta ki nongïoh myntoi ka dei kaba la plie bad wanrah da u Myntri Rangbah u Himanta Biswa Sarma ha ka konstitwensi jong u ha Jalukbari.
Ha ka jingpyllait khubor jong u ha ka rynsan phah khubor, u Myntri Rangbah u Himanta Biswa Sarma u la thoh kumne, “U bnai Kyllalyngkot u la long u bnai ba kyrpang na ka bynta ki briew jong ka Assam. Ki la don palat 42 lak ngut ki briew kiba la ïoh ïa ki Ration Card ha kaba ym donkam ban siew eiei halor ki marbam ba la sam, ïa ka jingshah sumar ei bad ka jingïohnong haba pyndonkam da ki Gas shet jingshet lyngba ka jingtreikam ki prokram sam Ration Card ha kylleng ka jylla. Ngi la dep ban ïathuh lypa shaphang ki Ration Card kum ka Laxman Rekha ka ban sa pynthikna ba ki longïing kin ym ngat ne shah ban shuh ha ka jingduk. Ha u snem 2026 ngi la don jingthmu ban wanrah ïa baroh ki nongbat Ration Card hapoh ka Orunodoi Scheme. Ha une u bnai ngi la lah ruh ban sam ïa ki Ration Card kiba pyllait ei khlem donkam siew ei ei ïa ka bai marbam hapoh ka jingtreikam ka Anna Sewa se Jan Sewa jong ngi. La don kumba 1.2 lak MT u khaw ba la poi sha palat 60 lak ngut ki briew.”
