Tbn. J. S. Rajee
La sot na ka ktien U Blei (Bible) ka ktien U Blei ka iathuh ba u Selophehad, u khun u Hepher um shym la don khun shynrang, tang ki khun kynthei Sanngut, Ka Maklah, ka Noah, ka Hoglah, Mikhlah bad ka Tirsah kiba na ki kur u Manasseh, u khun U Joseph.
Kine ki khun Kynthei u Selophehad ki la ïa wad ïa ka bynta pateng namar ba kim don hynmen para shynrang bad ki la ïeng ha khmat u Moses bad ha khmat u Eleasar Lyngdoh bad ha khmat u Joshua, u khun u Nun bad ha khmat kita ki rangbah bad ki paidlang baroh, ha phyllaw ka Tabernakl ka jingïaseng, ki da ong, u kpa jong ngi u la iap ha ka ri khlaw bad um shym la don ha ka jingïalang jong kita kiba la ïalum lang pyrshah ïa u Trai ha ka jingïalang u Korah hynrei u la iap ha la ka jong ka pop; bad um shym la don ki khun shynrang. Te namar ba um shym la don khun shynrang, balei ba yn pyndam ïa ka kyrteng u kpa jong ngi napdeng ki kur jong u.
To ai te ïa ka bynta trai ha ngi hapdeng ki para u kpa jong ngi.
Te u Moses u la wallam ïa ka jingdawa jong ki ha khmat U Trai, na ka rukom ka jingioh pateng.
Te u Trai ula kren ha u Moses u da ong, ki khun kynthei jong u Selophehad ki ïa kren hok keiñ, ka dei ba men ai ïa ka bynta trai ban long ki jingioh pateng jong ki hapdeng ki para u kpa jong ki, te men pynroi pateng ha ki ïa ka bynta trai u kpa jong ki.
Ki Sanngut ki khun kynthei u Selophehad na ka jaid Manasseh, ki la ioh ïa ka bynta trai u kpa jong ki namar ba um shym don khun shynrang. La ailad ïa ki ban shongkurim kat uba ki mon, hynrei ban khamjied ïa ki bakha para kha (cousins) khnang ba ka bynta jong ki kan ïaisah pateng la pateng bad ka jaid Manasseh.
Jingkheiñ – 27; 1 – 11;
– 36 : 10 – 12;
Joshua – 17 : 3 – 6;
