Vijayawada, Rymphang:
Ka Andhra Pradesh ka la shah bhah da T. 9,138 klur na ka bynta ki kam pynroi jong ka tnat Railways na ka bynta ka snem ka kheiñ ka diah jong u 2024-25, la ong u Myntri ka sorkar kmie jong ka tnat Railways u Ashwini Vaishnaw.
Ha ka jingïakren bad ki nongthoh khubor ha New Delhi, u la ong ba hadpeng u snem 2009 bad 2014, ka AP ka la shah mang tang T. 886 klur bad kane ka long wat ka jylla Andhra Pradesh bad ka Telangana ki dang ïasohlang.
“Mynta tang ka jylla Andhra Pradesh ka la ïoh da T. 9,138 klur, kaba la long shiphew shah na kaei kaba la mang na ka bynta san snem na ka bynta ka jylla kaba dang ïasohlang hashwa. Naduh u snem 2014, ka jingmang pisa sha ka jylla ka la nang kiew katba nang mih u snem,” u la ong.
Ka Indian Railways ka la mang da T. 2,52,000 klur na ka bynta u snem ka kheiñ ka diah jong u 2024-25 bad khmih bniah halor ka jingïohi jngai jong u Myntri Rangbahduh ha kaba ïadei bad ka ‘Sabka Saath, Sabka Vikas’.
Ki jingpyntreikam ki dang ïaid shakhmat na ka bynta ban nang kyntiew shuh shuh ïa ka jingkiew jong ka tnat Railways.
