Thiruvananthapuram:
Ki la don baroh kumba 11 ngut ki Myntri Rangbah kiba la shah wer ban ïashim bynta ha ka jingïakhih ban ïalam da u Myntri Rangbah ka Kerala u Pinarayi Vijayan ha Jantar Mantar kaba ha New Delhi ha ka 8 tarik, Rymphang ban pyrshah halor ka jingiehbeiñ bad ka jingtuklar jong ka sorkar kmie ïa ka bor jong ka sorkar jylla.
Ka sorkar jylla ka la wer ïa ka Myntri Rangbah jong ka West Bengal ka Mamata Banerjee lem bad ïa lai ngut ki Myntri Rangbah barim na ka liang pyrshah na ka bynta kane jingïakhih.
Lai ngut ki Myntri Rangbah jong ka seng Congress ruh ki la shah wer lang ban don bynta ha ka jingïakhih.
Nalor kine, baroh ki nongïalam jong ka liang pyrshah ha Parliament ki la shah wer lang. Ki nongshah wer sha ka jingïakhih, ki kynthup ruh ïa ki Myntri Rangbah kata u M K Stalin, Mamata Banerjee, Aravind Kejriwal, Bhagwant Mann, Naveen Patnaik, Siddaramaiah, Revanth Reddy, Lalduhawma, Sukhvinder Singh Sukhu, bad u Y S Jagan Mohan Reddy. Kumba la ïathuh ka tyllong khubor ha New Delhi, la ong ba ka Mamata kan ym lah ban don bynta ha kane ka jingïakhih ba la wer da u Vijayan.
Ka jingwer ka la long ruh ïa u Myntri Rangbah jong ka Bihar u Nitish Kumar.
Ki Myntri Rangbah barim kiba la shah wer sha kane ka prokram ïakhih ki kynthup ruh ïa u Farooq Abdulla, Omar Abdulla, bad u Akhilesh Yadav.
Ki MP pat ki kynthup ïa u T R Balu, Vinayak Raut, Supriya Sule, Thomas Chazhikadan, Natarajan P R, Sushil Kumar, Tholkappiyan, Vijay Kumar, K Subbarayan, Tiruchi Siva, Prem Chand Gupta, Sanjay Raut, Raghav Chadha, Elamaram Kareem, Binoy Viswam, Vaiko, Jayant Chaudhary, Jose K Mani, bad u Mahua Maji, kine ki la shah khot na ka bynta ban don bynta ha ka jingïakhih.
