Gaza, Rymphang:
Uwei na ki heh nongialam jong ka Hamas ha kine ki khyndiat sngi ba la leit u la ong ba katei ka kynhun lehnoh jong ka Palestine ka kwah ia ka Israel ba kan pynkut noh syndon ia ka thma ym ban shu sangeh iasiat tang shipor ne tang da ki bnai.
Kumta, la ong ba u Taher al-Nunu haba iakren bad ki lad pathai khubor ha katei ka sngi, u la ong ba na ka liang ka Hamas ka kwah ia ka jingsangeh thma shi syndon bad ym ka ban shu sangeh tang shipor ne tang da ki taiew bad ki bnai.
Namar la ong ba na ka liang jong ka Israel haduh mynta, ka kwah tang ban ioh pyllait ia kitei ki briew jong ka kiba don ha ka kti ki Hamas hynrei ka thmu ban bteng biang ia ka thma haduh kaba kut.
