Shillong, Rymphang 05
Ka Inningstars ka la khur ïa ka jingjop ha ka 2nd Division Shillong Cricket League hadien ba ka la lah ban pynliem noh ïa ka Sportive Junior da 5 wiket ha Lah Sngi U Blei.
Ha kane ka jingïa-khun kaba la long ha madan Urkaliar Shillong, ka Inningstar ka la ailad shwa ïa ka Sportive Juniors ba kan tied nyngkong ha kaba ka la kamai 188 run bad shah pynhap 5 wiket ha ki 20 over. U Bappan Dutta u la tied 73 run na ki 52 bol bad Digbijoy Roy u la ïoh 39 run na ki 32 bol. Katba u Joydeep Ghosh bad Lukhu K. Anal ki la khur mar shi wiket.
Haba wan shimti ïa ka pali kaba ar, ka Inningsstar ka la lah ban kynjoh sha ka thong da kaba kamai 190 run bad shah pynhap 5 wiket ha ki 18.5 over. U Deepak Purkayastha u la tied 63 run na ki 48 bol bad u Lukhu K. Anal u la ïoh 26 run na ki 15 bol. Katba u Rahul Kuri u la khur 3 wiket bad ia ki 2 wiket la khur da u Kishan Das. Ïa ka nam Player of the Match la khur da u Deepak Purkayastha.
Haba phai sha kawei pat ka jingïakhun kaba ar, ka Golflink 11 Star ka la pynliem noh ïa ka New Warriors CC da 112 run. Ka Golflink 11 Stars ka la shimti ban nyngkong ha kaba ka la kamai 158 run bad shah pynhap 4 wiket ha ki 20 over. U Ankit Singh Rathor u la tied 43 run na ki 40 bol bad u Abid Khan u la ïoh 28 run na ki 11 bol. Katba u Sanjiv Ghosh u la khur 2 wiket bad ïa ka shi wiket la khur da u Prasanjit Chanda.
Haba wan ban beh ïa ka thong ka New Warriors ka la shah pynkhyllem baroh ki nongtied na ka bynta ban kamai tang 46 run ha ki 10.1 over. U Lakhan Das u la tied 24 run na ki 25 bol. Katba u Md Ajharuddin u la khur haduh 5 wiket bad ïa ki 2 wiket la khur da u Abid Khan. Ïa ka nam Player of the Match la khur da u Md. Ajharuddin.
