Shillong, Rymphang 05
Ka MetLife Stadium kaba ha New Jersey kan pynlong ïa ka jingïakhun final jong ka World Cup 2026 ha ka 19 tarik u Naitung, katba ka Azteca Stadium kaba ha Mexico City kan ioh ban pynlong ïa ka jingïalehkai kaba nyngkong jong kane ka lympung ha ka 11 tarik u Jylliew.
Ka Mexico ka long kawei na ki lai tylli ki ri ka ban ïoh ban pynlong ïa kane ka lympung ka ban don haduh 48 tylli ki kynhun ryngkat ka USA bad ka Canada, ka ban neh haduh 39 sngi.
Kine ki ar tylli ki ri ki dei kiba la ïoh ban pynlong ar tylli ki lympung ïalehkai World Cup ha ki 1970 bad ha u 1986, katba ka US ka la ïoh ban pynlong ha u 1994.
Ka Canada ka dei ka sien kaba nyngkong ban ioh ban pynlong ïa kane ka lympung bad ka jingïalehkai kaba nyngkong eh kan long ha Toronto ha ka 12 tarik u Jylliew.
Ka United States kan ïoh ban pynlong ïa ka jingïalehkai kaba nyngkong ha So-Fi Stadium kaba ha Los Angeles ha ka 12 tarik u Jylliew.
Ka Azteca kan sdang ka jaka jong u khlur ïalehkai shakhmat ka Argentina u Diego Maradona (Hand of God) kaba u la lah ban pynurlong ban jop da 2-1 kol pyrshah ïa ka England ha ka quarter-final jong u 1986 bad katei ka stadium ka lah ban ngiam haduh 83,000 ngut ki paidbah.
Ka MetLife Stadium, kan dei ka jaka ïalehkai ha la ïing ka bynta ki kynhun ïalehkai jong ka America ka New York Giants bad ka New York Jets.
