New Delhi, Rymphang:
U shongknor jong ka Rajya Sabha u Jagdeep Dhankhar u la kyntait ban ai jingbit ïa u nongïalam jong ka seng Aam Aadmi Party (AAP) u Sanjay Singh uba dang shah set patok ba un bam smai kum u dkhot jong ka ïingdorbar namar kine baroh ki la hap hapoh ka jingkhmih jong ka Privileges Committee.
U Sanjay Singh, u la shahkem halor ka jingshah kynnoh ba u la kamai ïa ka spah bymhok ha kaba ïadei bad ka jingdkoh treikam ha ka tnat Excise ha Delhi. Une u la shahjied ha ka seng AAP na ka bynta ka jing-long dkhot sa kawei pat ka samoi treikam ha Rajya Sabha ha u Kyllalyngkot.
Ka ïingbishar Rouse Avenue ha ka sngi Saitjaiñ ka la ai jingbit ïa u Sanjay Singh ba un bam smai kum u dkhot jong ka Rajya Sabha uba dang shah set patok.
Ka ïingbishar ka la pynjlan ruh ha kaba ïadei bad ka jingset ïa u Sanjay Singh haduh ka 17 tarik, Rymphang.
U Sanjay Singh u la shahkem ha u Risaw jong u snem ba la dep bad u la shah mudui ha kaba ïadei bad ka mukotduma halor ka jingkamai ïa ka spah bymhok, ha kaba uwei pat u dkhot jong ka seng AAP u Manish Sisodia ruh u la shah set patok.
U Sanjay Singh u la weng noh ïa ka jingkyrapd ha kaba ïadei bad ka jingpan jamin shipor na ka bynta ban don bynta ha ka prokram ha Parliament bad na ka bynta ban bamsmai.
La ong ba u la dei ban leit mih hakhmat ka ïingbishar ha Sultanpur kaba don ha Uttar Prades ha ka 7 tarik, Rymphang.
