Itanagar, Rymphang:
U Myntri Rangbah jong ka Arunachal Pradesh u Pema Khandu u la ïai ban da kaba ong ba ka jingkynnoh bamsap bad ka jingpyndonkam bakla ïa ka pisa kumba la kynnoh pyrshah ïa u ha Supreme Court ka dei shisha ka jingleh kam saiñ pyrthei.
U Khandu u la pynshai da kaba ong ba kane ka mukotduma halor kane ka jingmudui ka la long ha u snem 2010 bad la lah da kaba jop ban ïakhun pyrshah ha khmat ka kynhun nongbishar jong ka Guwahati High Court.
“Wat lada la trei shitom ban weng ïa ki jingeh ba ïakynduh ha kaba ïadei bad kane ka mukotduma, ki jingsahteng ki la long namar ka jingbun jong ki mukotduma ban bishar bniah ha Supreme Court. Mynta kane ka mukotduma kaba long pyrshah ïa u ka dang don hapoh ka jingshah khmih bniah, ngi la ïaleh ban phah pynkhloi ha kaba ïadei bad ka jingthmu ban weng ïa ki jingeh kiba ïadei bad kane ka mukotduma ha Supreme Court. Ki jingkynnoh ki long ki bym shisha, ki dei tang ka jingleh kam saiñ pyrthei, bad ka bym lah ban sakhi,” la ong u Myntri Rangbah.
U la kyntait ruh ha kaba ïadei bad ka jingshah kynnoh bamsap ba la wanrah da ka Arunachal Against Corruption (AAC).
U Myntri Rangbah u la ïakren bad ki nongthoh khubor hadien ba la dep ban plie paidbah ïa ka jingkieng ha Naharlagun.
Ka jingai jubab jong u Khandu ka la long hadien ba la ïoh shithi na u Chief Justice jong ka Supreme Cou rt, kum ban jubab halor ka jingkyrpad ba la phah da ki seng NGO kiba kynthup ïa ka s Save Mon Region Federation (SMRF) bad ka Voluntary Arunachal Sena (VAS).
Ka SMRF bad ka VAS, ha ka Public Interest Litigation (PIL) ba la phah sha Supreme Court, ka la dawa ba la dei ban phah tohkit halor kane ha ka kynhun CBI bad ka SIT ha kaba ïadei bad ka jingaiti ïa ki kam kontrak sha ki kompani ba la long trai da ki dkhot jong ka longïing u Khandu.
Ïa ka shithi la dep ban phah sha ka Union of India, ka sorkar jylla Arunachal Pradesh, sha ka kynhun CBI, bad kiwei pat.
