Shillong, Rymphang 05
Ha ka lympung ïalehkai 1st Division Football League 2023-24 ba la pynïaid da ka Shillong Sports Association, ka Nongrim Hills SC ka la khur ïa ka jingjop ha ka Lah Sngi U Blei.
Ha kane ka jingïakhun kaba la long ha SSA Stadium Polo, ka Nongrim Hills ka la pynliem noh ïa ka Mawkhar SC da 7-2 kol.
U Glenny Lynrah u la khyrwit ïa ka hat-trick da kaba ïoh thep haduh saw kol ha ka minit kaba 8, 12, 40 & 44, katba u Daman Kyrpang Tariang (19), Supong Lemba Khongwir (76) bad u Justerwell Tham (80) ki la thep mar shi kol.
Hashwa ban wai ka Mawkhar ka la lah ban pynphai kylla ar kol lyngba u Banteiskhem Ïawphniaw ha ka minit kaba 85 & 88 hashwa ba kan mad ïa ka jingshah rem.
Haba kawei pat ka liang ka SSA ka la pynbna ba ka jingïakhun semi final jong ka Under-16 Football League 2023-24 kan long ha ka sngi Ba-ar ha kaba ka Mawreng SC pyrshah ïa ka Shillong Soccer Scout ha ka por 2:30 janmiet.
