Shillong, Rymphang 06
Ka Zimbabwe kan pynlong ïa ki san tylli ki jingïalehkai Twenty20 International (T20I) series pyrshah ïa ka India ha u Naitung mynta u snem, la pynbna ka Zimbabwe Cricket (ZC) bad ka Board of Control for Cricket in India (BCCI) ha ka sngi Ba-ar.
Kane ka jingïalehkai kan sdang naduh 6 haduh 14 tarik u Naitung mynta u snem ha Harare.
“Ka jingpynthikna na ka bynta kane ka jingïalehkai ka la wan lyngba ka jingïamir jingmut lang hapdeng ka ZC bad ka BCCI, ha kaba ka thong jong kane ka jingïalehkai kriket hapdeng ki ar tylli ki ri,” la ong ka kyrwoh na ka ZC.
Haba pynpaw halor kane ka bynta u Chairman ka Zimbabwe u Tavengwa Mukuhlani u la ong: “Ngi sngwkmen ban pynlong ïa ka India na ka bynta ka T20I series ha u Naitung bad kan long ka jingïalehkai kaba nyngkong eh ha la ïing mynta u snem.”
Ha kawei pat ka liang u Secretary ka BCCI u Jay Shah u la ong: “Ka BCCI ka la long borabor ban kyntiew ïa ka jingïalehkai kriket. Ngi sngewthuh ba ka long ka por kaba biang ba ka Zimbabwe ka donkam ban pynkhlaiñ bad ka Zimbabwe Cricket ka donkam ïa ka jingkyrshan ha kum kane ka por.”
Kat kum ka prokram ba la pynbeit ka long ba ka jingïalehkai T20I kaba nyngkong 6 tarik, kaba ar kan long ha ka 7 tarik, kaba lai kan long ha ka 10 tarik, kaba saw kan long ha ka 13 tarik bad ha ka 14 tarik kan dei ka jingïalehkai kaba khatduh.
