Shillong, Rymphang 06
Ka Shillong Soccer Scout ka la jam sha ka final ha ka lympung ïalehkai Under-16 Football League 2023-24 ba la pyniaid da ka Shillong Sports Association, hadien ba ka la lah ban pynliem noh ïa ka Mawreng SC da 1-0 kol ha ka Sngi Ba-ar.
Kane ka nam jop ka la wan urlong lyngba ka shi kol ba la thep da u Prosperwell Ryntong.
Ha kane ka jingïakhun semi final kaba la long ha SSA Stadium Polo, baroh ar kynhun ki la pyrshang ban ïakhun tyngeh naduh kaba sdang ha kaba kim shym la lah ban thep kol haduh kaba kut jong ka kylla step.
Dei ha ka kylla miet ba ka Shillong Soccer Scout ka la ioh ban pynkhih jar lyngba u Prosperwell Ryntong ha ka minit kaba 49. Watla ka Mawreng ka la pyrshang ban pynphai, hynrei kam shym la lah ban pynphai bad ka mad ia ka jingshah rem.
Kawei pat ka jingiakhun semi final kan long ha ka sngi Balang hapdeng ka Umphyrnai SC pyrshah ia ka Miranda FC ha ka por 2:30 jamiet.
